«ՄասթերՄայնդ Մենեջմենթ» ՍՊԸ-ի տնօրեն՝ «ՄասթերՄայնդ Ուան» միջակայքային ոչ հրապարակային պայմանագրային ներդրումային ֆոնդի կառավարիչ

Մերուժան Բադալյանը փորձառու ձեռնարկատեր և ղեկավար է, ով ունի ավելի քան 10 տարվա փորձ բիզնեսի ֆինանսական և գործառնական կառավարման, ինչպես նաև ներդրումային պորտֆելների ձևավորման ոլորտում։ Նրա մասնագիտական փորձառությունն ընդգրկում է անշարժ գույքի կառուցապատման, բաժնետոմսերի և ֆիքսված եկամտաբերությամբ գործիքների շուկաները: Նա նաև կրիպտոակտիվների ոլորտի առաջին ներդրողներից է։

​

Որպես «CITYFM» ՍՊԸ-ի հիմնադիր և տնօրեն՝ 2022 թվականից ի վեր նա առաջնորդել է ոլորտում մի շարք նորարարական ծառայությունների ներդրումն ու իրականացումը։ Բլոկչեյն տեխնոլոգիաների և ներդրումային ռազմավարությունների խորը իմացության շնորհիվ Մերուժանը պարբերաբար հանդես է գալիս որպես փորձագետ՝ ներկայացնելով Հայաստանում կրիպտոարժույթների շուկայի միտումներն ու զարգացումները։

​

2018 թվականից Մերուժանը ղեկավարում է «Armenian Future» բարեգործական հիմնադրամը, որի բյուջեն գերազանցում է 8 միլիոն ԱՄՆ դոլարը։ Նա համակարգում է ժամանակակից հայկական գյուղի նախագծմանն ու կառուցմանը նվիրված մեծաթիվ թիմի աշխատանքը՝ իր գործունեության մեջ համատեղելով ձեռնարկատիրական փորձը սոցիալական ազդեցության և համայնքային զարգացման նկատմամբ երկարաժամկետ հանձնառության հետ։